Bezeroari arreta

94 687 01 07

Uraren zikloa

01

Urak hartu

Ura lurrazaleko erreka eta putzuetatik hartzen da, batez ere. Baina, lurrazpiko ibai eta akuiferoetatik ere jasotzen da.

02

Urak artatu

Busturialdean urtegirik ez dagoenez, ura hartu eta zuzenean Edateko Uren Araztegietara (E.U.A) bideratzen da. Bertan, naturatik jasotako ura landu eta Ur Edangarri bihurtzen da. Ura mikroorganismo kaltegarririk (patogenorik) edo substantzia toxikorik gabe geratu behar da.

03

Ur bilregietara garraiatu

Ura edangarri bilakatu ostean, ur-biltegietara garraiatzen da, lehenengo nagusietara eta ondoren txikiagoetara. Hauetan erregulatzen da uraren banaketa. Normalean altuera handietan egoten dira ur- biltegiok, horrela gure etxeetara ura grabitate indarraz heltzeko.

04

Ura erabiltzaileei banatu

Hodi multzo handi baten bidez egiten da uraren banaketa. Ur-biltegitik denda, etxe, industria eta bestelako lekuetaraino garraiatzen da ura hodiotatik.

05

Ura Hondakin Uren Araztegira garraitu

Etxe, denda, industria zein bestelakoetatik datozen ur zikinak kolektoreetara heltzen dira, estolderia sarearen bidez. Kolektoreek Hondakin Uren Araztegira garraiatzen dute ur zikin hori.

06

Hondakin-urak arazi

Ur zikinak arazi eta hauen kalitatea berreskuratzen da, prozesu biologiko natural baten bidez.

07

Urak erreka edo itsasora isuri

Arazitako ura erreka edo itsasora isurtzen da, jatorrizko antzeko egoeran.

OHARRA: Lamiarango kolektorean amaitu gabeko zatiak daudenez, momentuz soilik Bermeo eta Mundakako urak arazten dira Lamiaran-en. Horregatik, Busturialdeko uren %60-edo oraindik arazi gabe edo baldintza eskasetan arazita isurtzen da erreka edo itsasora.